សារព័ត៍មានពាណិជ្ជកម្មកម្ពុជា

          កម្ពុជា និងបង់ក្លាដែស បានសន្យាពិនិត្យលទ្ធភាពចុះកិច្ចព្រមព្រៀងពាណិជ្ជកម្មជាមួយគ្នាថែមទៀត ដើម្បីបង្កើនទំហំពាណិជ្ជកម្មទ្វេភាគី ឲ្យបានដល់ទឹកប្រាក់ ១០០លានដុល្លារ នៅត្រឹមឆ្នាំ២០២០។ ការសន្យានេះ បានធ្វើឡើងនៅក្នុងកិច្ចប្រជុំទ្វេភាគីរវាង ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្មកម្ពុជា និងឯកឧត្តម តូហ្វែល អាមេត រដ្ឋមន្ត្រីក្រសួងពាណិជ្ជកម្មបង់ក្លាដែស ដែលរៀបចំឡើង កាលពីព្រឹកថ្ងៃទី២៥ ខែមេសា ឆ្នាំ២០១៨ នៅសណ្ឋាគារភ្នំពេញ។           យោងតាមរបាយការណ៍ពីស្ថានទូតបង់ក្លាដែស​ បានឲ្យដឹងថា ទំហំពាណិជ្ជកម្មទ្វេភាគីរវាងកម្ពុជា និងបង់ក្លាដែស នៅក្នុងឆ្នាំ ២០១៥ មានត្រឹមតែ ៦លានដុល្លារប៉ុណ្ណោះ​ ខណ:ដែលប្រទេសទាំងពីរមានធនធាន​ច្រើន​ និងលទ្ធភាពខ្ពស់សម្រាប់កិច្ចសហការលើវិស័យពាណិជ្ជកម្ម។ នៅក្នុងឱកាសនោះ ឯកឧត្តម ប៉ាន សូរស័ក្តិ បានរំលឹកឡើងវិញនូវខ្លឹមសារនៃអនុស្សរណៈយោគយល់ និងកិច្ចព្រមព្រៀងសំខាន់ៗ ដែលកម្ពុជា និងបង់ក្លាដែស បានចុះហត្ថលេខាជាមួយគ្នា កាលពីចុងឆ្នាំ ២០១៧ និងបានទទូចដល់អាជ្ញាធរពាក់ព័ន្ធនៃប្រទេសទាំងពីរ បន្តអនុវត្ត...

          សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់ ចាកចេញពីកម្ពុជាហើយតាម​ជើងយន្តហោះ​ពិសេស នាព្រឹក​ថ្ងៃសុក្រ ១៣កើត ខែពិសាខ ​ឆ្នាំច​ សំរឹទ្ធិស័ក ព.ស ២៥៦១ ត្រូវនឹងថ្ងៃ​ទី២៧ ខែមេសា ឆ្នាំ ២០១៨ ដើម្បីទៅចូលរួមកិច្ចប្រជុំកំពូល​អាស៊ានលើកទី៣២ ដែល​​​ប្រ​ព្រឹ​ត្ត​ទៅពីថ្ងៃទី២៧ ដល់ ថ្ងៃទី២៨ ខែ​មេសា ឆ្នាំ២០១៨ នៅប្រទេសសិង្ហបុរី តបតាមការ​អ​ញ្ជើ​ញ​រប​ស់ឯកឧត្ដម លី សៀនឡុង នាយករដ្ឋមន្ត្រី​នៃ​សាធារណរដ្ឋសិង្ហបុរី និង​ជា​ប្រ​ធាននៃកិច្ចប្រជុំកំពូលនោះ។           អញ្ជើញជូនដំណើរគណៈប្រតិភូជាន់ខ្ពស់ដល់ព្រលានយន្តហោះអន្តរជាតិភ្នំពេញ មាន​វត្ត​​មាន សម្ដេច​​ក្រឡាហោម​ ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្ដេចពិជ័យ​សេ​នា ទៀ បាញ់ ឧបនាយក​រដ្ឋមន្ត្រី រដ្ឋមន្ត្រីក្រសួងការពារជាតិ ឯកឧត្ដមឧបនាយករដ្ឋមន្ត្រី ហោ ណាំហុង និង ឥស្សរជន​សំខាន់ៗមួយ​​ចំនួនទៀត។ ដោយឡែកឯកអគ្គរដ្ឋទូតសិង្ហបុរី​​ប្រ​ចាំ​នៅកម្ពុជា ក៏មានវត្តមានក្នុង​ឱកាសនោះផងដែរ      ...