អគ្គនាយកដ្ឋានពន្ធដារបានដាក់ឱ្យប្រើប្រាស់នូវកម្មវិធីទូរស័ព្ទដៃ “ត្រួតពិនិត្យ លិខិតសវនកម្មពន្ធដារ (GDT Audit Check)”
អគ្គនាយកដ្ឋានពន្ធដារបានដាក់ឱ្យប្រើប្រាស់នូវកម្មវិធីទូរស័ព្ទដៃ “ត្រួតពិនិត្យ លិខិតសវនកម្មពន្ធដារ (GDT Audit Check)”
ដែលផ្តល់លទ្ធភាពជូនអ្នកជាប់ពន្ធអាច ពិនិត្យលើ លិខិតសវនកម្មដែលចេញដោយអគ្គនាយកដ្ឋានពន្ធដារថាពិត
ឬក្លែងក្លាយ។
ឯកឧត្តម គង់ វិបុល ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គ នាយកដ្ឋានពន្ធដារបានលើកឡើង ក្នុង កិច្ចប្រជុំបូក សរុបលទ្ធផល ប្រមូលចំណូលពន្ធប្រចាំ
ខែកុម្ភៈ ឆ្នាំ២០១៨ កាលពីចុងសប្ដាហ៍នេះ នៅ សាលប្រជុំសាលាជាតិពន្ធដារ ដោយបាន លើកឡើងថា
អ្នកជាប់ពន្ធអាចទាញចេញពី Appstore ឬ Playstore
ក្នុងទូរស័ព្ទដៃបាន និងបំពេញនូវព័ត៌មានតាមការណែនាំ។
ឯកឧត្តម បានបន្ដថា អគ្គនាយកដ្ឋានពន្ធដារបានជំរុញ និងលើកទឹកចិត្តអ្នកជាប់ពន្ធ ឱ្យសហការប្រើប្រាស់
កម្មវិធីនេះ ដើម្បីជាការចូលរួមពង្រឹងការអនុវត្តច្បាប់ និងបទបញ្ញត្តិ ស្តីពីសារពើពន្ធ
និងចៀសវាងឆបោក ពីជនខិលខូចមួយចំនួន។ ឯកឧត្តម ប្រតិភូរាជ រដ្ឋាភិបាលក៏បានណែនាំបន្ថែម
ដល់គ្រប់អង្គភាពឱ្យបន្តខិតខំ ពង្រឹងការអនុវត្តច្បាប់វិន័យ ការងារ និងត្រូវមានភាពទន់ភ្លន់តែម៉ឺងម៉ាត់ដោយផ្អែកទិដ្ឋភាពច្បាប់ក្នុងការឆ្លើយ
តបទៅ កាន់អ្នកជាប់ពន្ធ ឱ្យអ្នកជាប់ពន្ធរីករាយទទួលយក និងស្ម័គ្រចិត្តបង់ពន្ធគ្រប់ៗគ្នា
ធ្វើយ៉ាងណាកាត់ បន្ថយជាអតិបរមាឬមិនឱ្យអ្នកជាប់ពន្ធមានការរអ៊ូរទាំ និងផ្តល់កិច្ចសហការល្អ
ក្នុង ការបង់ពន្ធជូនប្រជាពលរដ្ឋ ព្រមទាំងប្រកាន់ខ្ជាប់នូវអភិក្រមការងារ “ឆ្លុះកញ្ចក់ មុជទឹក ដុសក្អែល ព្យាបាល និងវះកាត់”។
យោងតាមរបាយការណ៍របស់អគ្គនាយកដ្ឋានពន្ធដារបានបង្ហាញថា លទ្ធផលប្រមូលចំណូលពន្ធរបស់
អគ្គនាយកដ្ឋាន ពន្ធដារទទួលបានក្នុងខែកុម្ភៈ ឆ្នាំ២០១៨ ចំណូលពន្ធ-អាករ គ្រប់ប្រភេទដែលអគ្គនាយកដ្ឋាន
ពន្ធដារ ប្រមូលបាន (តាមប្រព័ន្ធគ្រប់គ្រងទិន្នន័យចំណូលអន ឡាញ-Online) មានចំនួន៥៨៣.៤១៧,១៣ លានរៀល (ប្រមាណជា
១៤៥.៨៥លានដុល្លារអាម៉េរិក) ស្នើនឹង ៧.៥៨ភាគរយ នៃផែនការច្បាប់ និងបានធ្វើ បែបបទបង់ចូលថវិកាជាតិ
បានចំនួន ៥៣៤.១៧៨,៥៤ លានរៀល (ប្រមាណ ១៣៣.៥៤ លានដុល្លារអាម៉េរិក)
ស្មើនឹង ៦.៩៤ភាគរយ នៃផែនការ ច្បាប់។ ប្រសិនបើប្រៀបធៀបទៅនឹងខែកុម្ភៈ ឆ្នាំ២០១៧ ដែល សម្រេចបាន
៤៩៧,០៩ពាន់លានរៀល (ប្រមាណជា ១២៤.២៧លានដុល្លារ) ឃើញថា ការ ប្រមូលចំណូលពន្ធ-អាករគ្រប់
ប្រភេទ មានការកើនឡើងចំនួន ៨៩.៣៣១,២៦ លានរៀល (ប្រមាណ ២២.៣៣ លានដុល្លារ)
ស្មើនឹងអត្រា កំណើន ១៨.០៨ភាគរយ។
សូមបញ្ជាក់ថា សម្រាប់រយៈពេលពីរខែ ដើមឆ្នាំ២០១៨ ចំណូលពន្ធ-អាករគ្រប់ប្រភេទ ដែលប្រមូលបាន
សរុបមានចំនួន ១.២៥៩.៥១៩,៣៣ លានរៀល (ប្រមាណជា
៣១៤.៨៨ លានដុល្លារអាម៉េរិក) ស្មើនឹង ១៦.៣៨ភាគរយ នៃផែនការច្បាប់៕
ប្រភព៖ AKP