សម្ដេចតេជោ ហ៊ុន សែន អះអាងពីការដំឡើងប្រាក់បៀវត្សរ៍ដល់កម្មករ កម្មការិនីជារៀងរាល់ឆ្នាំ
ជាមួយនឹងការបញ្ជាក់អំពីការបន្តជួបកម្មករ កម្មការិនី មិនតិចជាងរយៈពេល១០ឆ្នាំ ទៀតនោះ
ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន នូវតែបន្តអះអាងថា
ការដំឡើងប្រាក់បៀវត្សរ៍ដល់កម្មករ កម្មការិនី នឹងត្រូវធ្វើជារៀងរាល់ឆ្នាំ ប៉ុន្តែការ
ដំឡើងបានកម្រិតណានោះ គឺទុកឱ្យយន្តការត្រីភាគីពិភាក្សាគ្នាជាបន្តទៀត។
ក្នុងពិធីជួបសំណេះសំណាលជាមួយបងប្អូនកម្មករ និយោជិតប្រមាណជាង ១៣.៩០០ នាក់ មកពីរោងចក្រ
សហគ្រាសចំនួន១១ នាព្រឹកថ្ងៃពុធ ៦រោច ខែផល្គុន ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី0៧ ខែមីនា ឆ្នាំ២០១៨នេះនៅក្រុងតាខ្មៅ ខេត្តកណ្ដាល សម្ដេចតេជោ
បានមានប្រសាសន៍ថា ឥឡូវនេះកន្លែងធ្វើការដែលជារោងចក្ររបស់កម្មករ កម្មការិនី កាន់តែ
មានសុវត្ថិភាពជាងមុន និងផ្ដល់នូវសុខមាលភាពល្អជាងពេលមុន ព្រោះនៅក្នុងរោងចក្រ ប្រមាណជា៨២ភាគរយ
មានគិលានុបដ្ឋាននៅក្នុងរោងចក្រ ដែលស្ថានភាពនេះត្រូវបានកែ លម្អជាបណ្ដើរៗ ហើយនឹងបន្តកែលម្អឱ្យកាន់តែប្រសើរ
ដើម្បីធានាដល់សុខមាលភាពរបស់ កម្មករ កម្មការិនី។
សម្ដេចតេជោ ថ្លែងបន្តថា ដើម្បីរក្សានូវការងារ និងប្រាក់ចំណូល ដែលក្មួយៗកម្មករកម្មការិនី
មានក្នុងដៃនាពេលនេះ ត្រូវបន្តរួមចំណែកក្នុងការកសាងនូវសន្តិភាពសម្រាប់ ប្រទេសតទៅទៀត
មិនត្រូវទុកឱ្យជនណា ឬក៏ក្រុមណាមួយ បក្សពួកណាមួយ បំផ្លិចបំផ្លាញ នូវសន្តិភាពដែលរកបានដោយលំបាកនោះទេ។
ដោយសារតែកត្តាសុខសន្តិភាព ធ្វើឱ្យអ្នកវិនិ យោគិនបរទេស មានជំនឿជឿជាក់មកលើកម្ពុជា
សម្រេចមកវិនិយោគក្នុងប្រទេស ដែលធ្វើ ឱ្យកូនក្មួយទទួលបានការងារធ្វើ ។ ដូច្នេះដើម្បីរក្សានូវសន្តិភាព
និងរក្សានូវការងាររបស់ក្មួយៗ កម្មករ កម្មការនីទាំងអស់ សូមឱ្យក្មួយៗកម្មករកម្មការិនីបន្តគាំទ្រ
និងបោះឆ្នោតជូនគណបក្ស ប្រជាជនកម្ពុជា ជាបន្តទៀត ដើម្បីទទួលបាននូវការអភិវឌ្ឍប្រទេសឱ្យ
កាន់តែរីកចម្រើនទៅ មុខបន្តទៀត ។ សម្តេចតេជោនាយករដ្ឋមន្ត្រី ក៏នៅតែបន្តធ្វើការអំពាវនាវឱ្យម្ចាស់រោងចក្រ
និងកម្មករត្រូវចេះយោគយល់ អធ្យាស្រ័យឱ្យគ្នាទៅវិញទៅមក រាល់កំហុសខុសឆ្គងទាំងឡាយ និងសាមគ្គីគ្នាដើម្បីឱ្យរោងចក្រមានដំណើរការល្អ។
ឯកឧត្ដម អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈថ្លែងឱ្យដឹងថា
ជំនួបដែលធ្វើឡើងនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្ដាលនេះ មានកម្មករ និយោជិតចូលរួមចំនួន ១៣.៩៧១នាក់ មកពីរោងចក្រ
សហគ្រាស ចំនួន១១ ក្នុងនោះក្រុងតាខ្មៅ ចំនួន៧ ស្រុកស្អាងចំនួន៣ និងស្រុកកណ្ដាលស្ទឹងចំនួន១
។ រោងចក្រ សហគ្រាសទាំង១១នេះ មានអ្នកវិនិយោគមកពីប្រទេសចិន ចំនួន៨ អង់គ្លេសចំនួន២
និងកូរ៉េចំនួន១ ក្នុងនោះមានរោងចក្រកាត់ដេរសម្លៀកបំពាក់ចំនួន ៦ រោងចក្រផលិតស្បែកជើងចំនួន១
រោងចក្រ ផលិតកាបូបចំនួន២ និងរោងចក្រតម្បាញ ចំនួន២ ។ ផលិតផលដែលផលិតត្រូវបាននាំចេញ
ទៅកាន់ទីផ្សារអន្តរជាតិ និងផ្គត់ផ្គង់ទីផ្សារក្នុងប្រទេស។
ឯកឧត្ដមរដ្ឋមន្ត្រីបានឱ្យដឹងទៀថា ចាប់ពីថ្ងៃអាទិត្យទី២០ ខែសីហា ឆ្នាំ២០១៧ ដល់ថ្ងៃ
ទី០៧ ខែមីនា ឆ្នាំ២០១៨នេះ សម្ដេចតេជោបានជួបជាមួយកម្មករនិយោជិត ចំនួន ៣៤លើក ដែលមានចំនួន
៤១១.៥១៥នាក់ ក្នុងនោះជួបជាមួយប្រធានរដ្ឋបាល ប្រធានផ្នែក ប្រធានក្រុម ជំនួយការនៃរោងចក្រនានា
ចំនួន៩លើក មានចំនួន៤០.៧៧១នាក់ មកពីរោងចក្រ ៦៦៣ ជួបជាមួយកម្មករ និយោជិត ២៤លើក ចំនួន
៣៦៦.០៥៩នាក់ មកពីរោងចក្រ ៤៥៤ ជួបជា មួយកម្មករនិយោជិតផ្ទាល់នៅតាមរោងចក្រចំនួន
១០ ដែលមានកម្មករនិយោជិតចំនួន ២១.៦៥១នាក់ និងជួបជាមួយសមាគមសេដ្ឋកិច្ចក្រៅប្រព័ន្ធ
១លើក ចំនួន ៤.៦៨៥នាក់។
សូមបញ្ជាក់ថា ខេត្តកណ្ដាលមានរោងចក្រ សហគ្រាស គ្រឹះស្ថាន ចំនួន ៤៦២ មាន កម្មករ
និយោជិត ១៥០.២៤៦នាក់ ក្នុងនោះរោងចក្រកាត់ដេរសម្លៀកបំពាក់ និងផលិតស្បែក ជើង មានចំនួន
១៦៨ មានកម្មករ និយោជិតចំនួន ១៣៤.៣២៣នាក់ ៕
ប្រភព៖
AKP